Discuss & Debate | Share | Learn

[Tanveer]

Bhaai mai Zainab Huun *4

Yeh Karbalaa hai jaageer teri, ham aaye teri jaageer mein,
Reh jaaye zindaan mein hi Sakeenah yeh bhi likhaa thaa taqdeer mein,
Pehchaano mujko ay mere ghaazi Zainab huun ay bhaai
Bhaai...

Zindaan se chhutkar mai aagayii huun, ranjo alam ki chaadar liye,
Baazaar-e-Kufa mein hai jo guzri aankhon me saare manzar liye,
Pehchaano mujko ay mere ghaazi Zainab huun ay bhaai
Bhaai...

Bhaiyyaa tumhaari ghairat ki khaatir baalon se pardaa karti rahii,
Chaadar nahiin thi sarpar jo mere ek ek qadam par marti rahii,
Pehchaano mujko ay mere ghaazi Zainab huun ay bhaai
Bhaai...

Baazaar-e-Kufa se woh guzarnaa ehle haram ke saalaar kaa,
Bhaiyyaa sajaayaa thaa ashqiyaane ek ek konaa baazaar kaa,
Pehchaano mujko ay mere ghaazi Zainab huun ay bhaai
Bhaai...

Kaisaa andhheraa zindaam thaa woh, jisme Sakeenah jaan se gayii,
Baba chachaa se mujh ko milaado maasoomaa ro ro kehti rahii
Pehchaano mujko ay mere ghaazi Zainab huun ay bhaai
Bhaai...

Kurtaa jo uska khoon se bharaa thaa usko banaayaa mein ne kafan,
Jab dafn karte the usko Aabid tharraa rahaa thaa unka badan,
Pehchaano mujko ay mere ghaazi Zainab huun ay bhaai
Bhaai...

Zainab huun bhaai *2 Bhaai......*2